Од косовската полиција наведуваат дека од експлозија на шок-бомба се скршиле прозорците на три српски локали, а се сомневаат дека направата ја фрлиле припадници на „организирани криминални структури“. Оттаму додаваат дека во врска со овој случај се преземаат „интензивни дејствија“ со цел да се идентификуваат и изведат пред лицето на правдата сторителите на овие дела
По повод вчерашната експлозија на шок бомба во северниот дел на Косовска Митровица при што се оштететни три српски локали во населбата Бошњачка махала, се огласи косовската полиција. Тие наведуваат дека од експлозија на шок-бомба се скршиле прозорците, а се сомневаат дека направата ја фрлиле припадници на „организирани криминални структури“. Оттаму додаваат дека во врска со овој случај се преземаат „интензивни дејствија“. Во соопштението оценуваат дека овој потег е продолжување на напорите за подигање на тензиите и дестабилизација на ситуацијата, со цел ширење на чувството на несигурност и страв.
„Косовската полиција со своите единици, вклучително и единицата за антитероризам, презема интензивни дејствија во истрагата на овој случај со цел да се идентификуваат и изведат пред лицето на правдата сторителите на овие злосторства“,
се наведува во соопштението.
Инаку, Северно Косово се уште е блокирано, а Србите 11 дена се на барикадите во општините Звечан, Зубин Поток и Лепосавиќ, кои велат дека ќе бидат отстранети кога ќе бидат ослободени Милан Аџиќ, Дејан Пантиќ и Слаѓан Трајковиќ, но и кога специјалните сили на косовската полиција ќе се повлекуваат од северот на Косово и Метохија. На барикадите е мирно, но има претпазливост за да се избегнат провокации од албанска страна. Вчера искршени се стакла на три српски локали во Бошњачка махала.
Директорот на Канцеларијата за Косово и Метохија, Петар Петковиќ, рече дека барикадите на северот на Косово и Метохија значат слобода за Србите и го претставуваат нивниот мирен отпор кон „незаконието на Албин Курти и неговите големоалбански екстремисти чија единствена цел е етнички чисто Косово и Метохија“.
Организациите за човекови права најавија дека се сериозно загрижени за ситуацијата во која се наоѓа поранешниот косовски полицаец Дејан Пантиќ.
„Имено, од изјавите на адвокатот на господинот Пантиќ дознаваме дека тој се уште се наоѓа во базата на косовската полиција во близина на преминот Јариње и дека ниту неговите адвокати ниту членовите на семејството не смеат да го посетат ниту телефонски да контактираат со него“,
се вели во соопштението пренесува националниот сервис РТС.
Командантот на командата на здружените сили на НАТО во Неапол, адмирал Стјуарт Манч, во интервју за Танјуг рече дека КФОР внимателно ја следи ситуацијата во северно Косово и е подготвен да обезбеди безбедна средина и слобода на движење за сите заедници насекаде во Косово, во согласност со мандатот заснован на Резолуцијата 1244 на Советот за безбедност на ОН.