На снимката се гледа како девојчето лежи додека еден наставник зачудено оди кон неа, а наставничката која го зеде девојчето ги брише рацете од телото и брзо се враќа од каде што дошла
Наставничка во католичко училиште во Охајо била снимена како зема и фрла глува ученичка на подот.
На снимката се гледа како учителката го крева девојчето (9) од подот додека таа трча низ ходникот и потоа го фрла на подот, објави „Дејли мејл“.
Во меѓувреме, се огласила мајката на детето, која рекла дека од управата на училиштето ѝ кажале дека се работи за помал инцидент и дека наставничката добила платено отсуство.
Училиштето, со кое раководи Архиепископијата во Синсинати, рекло дека истрагата е во тек и дека никој од персоналот нема да биде санкциониран додека истрагата не заврши.
Истрага покренала и полицијата откако на социјалните мрежи се проширило видеото од надзорните камери на кое се гледа спорниот инцидент.
Снимката во еден дел е прекината, па не е јасно што се случило точно, но она што е сигурно е дека девојчето во еден момент е во рацете на наставничката, а во следниот лежи на подот.
На снимката се гледа како девојчето лежи додека еден наставник зачудено оди кон неа, а наставничката која го зеде девојчето ги брише рацете од телото и брзо се враќа од каде што дошла.
Мајката на девојчето за медиумите изјавила дека нејзината ќерка ѝ кажала што се случило по враќањето од училиште. Таа вели дека до следниот ден никој од училиштето не ја известил што се случило со нејзината ќерка.
„Бев многу лута. Отпрвин не можев ни да зборувам бидејќи се плашев дека ќе кажам нешто погрешно”,
вели мајката на девојчето.
Таа додала дека оваа недела девојчето се вратило на училиште и сега е под надзор на друга наставничка.
„Одлучив да го објавам видеото на социјалните мрежи бидејќи бев многу лута поради начинот на кој се однесуваа со мојата ќерка. Сакав да ги предупредам другите“,
вели таа.
Мајката рече дека е уште повеќе изнервирана затоа што управата на училиштето и кажала дека можеби е најдобро нејзината ќерка да не продолжи да оди во тоа училиште бидејќи имала проблеми со приспособувањето.
„Треба да имате на ум дека ќерка ми е глувонема и оди во училиште за деца со пречки во развојот“,
вели бесната мајка.