Договорот сега ќе треба да го поддржи Комитетот за граѓански слободи на Европскиот парламент и да се изгласа на пленарната седница на оваа институција. Конечнa одлука ја носи Советот на министри на ЕУ
Преговарачките тимови на Европскиот парламент (ЕП) и Советот на Европската Унија (ЕУ) постигнаа договор за укинување на визите за граѓаните на Косово.
Според постигнатиот договор, како што јавува регионалниот сервис на Радио Слбоодна Европа (РСЕ) граѓаните на Косово ќе бидат ослободени од визниот режим кога ќе се воспостави Европскиот систем за информации и овластување за патување (ЕТИАС), а најдоцна до 2024 година
„По договорот, целиот регион на Западен Балкан би имал слична визна рамка кон Шенген зоната. Законодавците го поздравуваат напредокот што го постигна Косово во патоказот за визна либерализација“, се вели во соопштението објавено од Европскиот парламент (ЕП).
Телата на Европската Унија ги повикуваат косовските власти да ја усогласат својата визна политика со онаа на ЕУ и да склучат договори за реадмисија со оние земји-членки на ЕУ со кои сè уште немаат таков договор.
#JHA | ? DEAL! We reached a provisional political agreement between @EUCouncil & @Europarl_EN on #visa liberalisation for #Kosovo ??. #EU2022CZ brings Kosovo one step further on its European path ?.
— EU2022_CZ (@EU2022_CZ) December 14, 2022
More ⬇️https://t.co/m7avx0HFL8 pic.twitter.com/TI0ZeRmJYe
Известувачот за визи во ЕП, Тијс Рутен по договорот истакна дека Косово е последната земја од Западен Балкан која сè уште нема безвизен режим со ЕУ.
„Европскиот парламент со години неуморно се залага за оваа одлука. Конечно, граѓаните на Косово ќе можат да патуваат во ЕУ за одмор, семејни посети и службени патувања без потреба да аплицираат за виза. Ова е многу важен момент во европската иднина на земјата“,
рече Рутен.
Договорот сега ќе треба да го поддржи Комитетот за граѓански слободи на Европскиот парламент и да се изгласа на пленарната седница на оваа институција. Конечнa одлука ја носи Советот на министри на ЕУ.
Тој би стапил во сила 20 дена по неговото објавување во Службениот весник на ЕУ. Потоа, договорот за укинување на визите би бил билатерално преговаран меѓу Европската Унија и Косово.
Граѓаните на Косово ќе можат слободно да патуваат во ЕУ најрано на 1 ноември 2023 година, а најдоцна до 1 јануари 2024 година.