Група македонски државјани кои се заглавени во Истанбул одбиле да се вратат во земја со хуманитарен лет бидејќи ќе мора да бидат во државен карантин најмалку 15 дена.
Ова на прес-конференција го соопшти министерот за надворешни работи, Никола Димитров. Според неговата изјава, тие требало да се вратат со лет кој го организира Владата на Црна Гора за нејзините државјани, а потоа оттаму македонските граѓани да бидат префрлени во земјава.
„Сакам да ја информирам јавноста дека вчера во договор со Црна Гора имавме обид да донесеме една група наши граѓани кои беа во Истанбул и да ги качиме во летот организиран од Владата на Црна Гора. Штом ги информиравме граѓаните дека ќе бидат во задолжителен карантин ниту еден не сакаше да ја искористи оваа можност“,
рече Димитров.