Да ја пофалиме Општина Карпош која во директивите што ги дава Владата за штедење на енергија, според извештаите што ги добиваме од ЕВН. Заштедата во Општината е 50 отсто, што е еден успешен прилог во напорите на Владата да обезбеди енергија
Новиот министер за локална самоуправа Ристо Пенов, денеска беше во посета на Општина Карпош со што ја започна акцијата на посети на општините, на кои треба да се разговара за проблемите со кои се соочуваат локалните самоуправи и за начините за нивно отстранување.
Како што рече министерот, прва за посета е избрана Општина Карпош како успешна општина со градоначалник со најголемо искуство, со кого поради нивната претходна соработка најлесно може да се разбере околу проблемите и излезните решенија.
„Добивме некои насоки и барања од општината, особено во делот на урбанизмот и јавното паркирање. Но, дојдов и да ја пофалиме Општина Карпош која во директивите што ги дава Владата за штедење на енергија, според извештаите што ги добиваме од ЕВН, заштедата во Општина Карпош е 50 отсто што е еден успешен прилог во напорите на Владата да обезбеди енергија, во напорите за штедење и во напорите да обезбедиме пристоен и нормален живот на граѓаните“,
рече Пенов.
Запрашан за проблемот што се појави на седницата на Советот на Град Скопје и расправијата околу микрофонот што беше тргнат од главната говорница, Пенов објасни дека околу тоа постапува Инспекторатот за локална самоуправа, но дека тој лично разговарал и со градоначалничката и со претседавачот на Советот.
„Заложбата е да не трпат граѓаните и каде што постојат проблеми во реализација на проектите да се вклучи и Министерството за да се отстранат проблемите и да се реализираат проектите“,
додаде Пенов.