Ако има „П“ од правото и правдата во оваа привремена држава, господа од ЦИК, сите ќе завршите во Обвинителството кое ќе треба да се справи со вашите криминални дејствија, рече Додик
Претседателот на СНСД и кандидат за претседател на Република Српска, Милорад Додик, изјави дека Централната изборна комисија на Босна и Херцеговина нема легитимитет од нејзиното именување, а сега нема никаков кредибилитет.
На прашањето да го коментира фактот што ЦИК поднела пријава против него до Обвинителството на Босна и Херцеговина и СИПА поради, како што е наведено, „вербален напад врз членови на ЦИК, поради што некои од нив се чувствуваат дека нивната безбедност е загрозена“, Додик рече дека во деновите, кога под политичко влијание на нивните членови носат незаконски одлуки, тие дури успеваат да се пресметаат со актери на изборите поднесувајќи пријави против нив.
Лидерот на СНСД нагласува дека наместо да се утврди дали членката на ЦИК, Вања Бјелица-Прутина, спротивно на законот имала средба со лидерот на СДС, Мирко Шаровиќ и дали преписката „циркулира“ на социјалните мрежи, во која членството на ПДП му се заблагодарува на друг член на Централната изборна комисија, Јован Калаба, најавувајќи повторување на изборите, Централната изборна комисија на Босна и Херцеговина се занимава со изјавите на Милорад Додик.
„Ако има ‘П’ од правото и правдата во оваа привремена држава, господа од ЦИК, сите ќе завршите во Обвинителството кое ќе треба да се справи со вашите криминални дејствија“,
рече Додик.