Украинските сили водат жестоки битки во градот Бахмут, кој Русите се обидуваат да го освојат, објави доцна синоќа претседателот Володимир Зеленски.
Иако украинските сили ослободија илјадници квадратни километри територија во неодамнешните офанзиви на југ и на исток, украинските власти претпазливо велат дека напредокот најверојатно ќе биде побавен бидејќи ќе наидат на порешителен отпор.
Руските сили веќе извесно време се обидуваат да го заземат Бахмут, на главниот пат меѓу Славјанск и Краматорск во Донбас, регион кој Русија го поседува, но сè уште не е целосно освоен.
„Заземаме позиции во Донбас, особено во Бахмут, каде што сега е многу, многу тешко. Се водат тешки борби“,
рече Зеленски во видео пораката.
Тој го повтори својот повик до западните сојузници да испратат повеќе противвоздушни системи додека Русите продолжуваат да истрелуваат ракети врз украинските градови и да користат ирански беспилотни летала.