Во првата несреќа кај Лезбос, според официјалните информации од грчката крајбрежна служба, извлечени се безживотните тела на 16 жени и едно дете, а спасени се девет жени. Во вториот бродолом во близина на островот Китира спасени се 80 лица, од кои 55 мажи, 18 деца и седум жени, а 11 од спасените се префрлени во болница
Официјална Атина денеска ја обвини Турција за двете несреќи со мигранти во Грција во кои, според новиот биланс, загинаа 17 лица, десетици се исчезнати, а над 80 спасени.
Министерот за поморство на Грција, Јанис Плакиотакис, како што јави дописничката на МИА од Атина, во писмена изјава истакнал оти турската крајбрежна служба не ги спречува шверцерите да натрупуваат луѓе во чамци кои не ги издржуваат временските услови, без никакви мерки за безбедност, ставајќи им ги животите во смртна опасност.
„Уште еднаш, толеранцијата на Турција во круговите на бескрупулозните трговци со луѓе чинеше човечки животи. Сè додека тоа не ја спречи нивната акција, тие ќе натрупуваат луѓе без безбедносни мерки, ставајќи ги нивните животи во смртна опасност“,
напиша грчкиот министер за поморство Плакиотакис на Твитер.
Για μια ακόμα φορά, η ανοχή της #Τουρκιάς στα κυκλώματα αδίστακτων διακινητών,κόστισε ανθρώπινες ζωές.Όσο δεν εμποδίζει τη δράση τους, τόσο θα στοιβάζουν δυστυχισμένους ανθρώπους,χωρίς μετρά ασφαλείας,θέτοντας τις ζωές τους σε θανάσιμο κίνδυνο. @naftiliashttps://t.co/eXq0dAuJNl pic.twitter.com/F1qLO1Pgnl
— Giannis Plakiotakis (@G_Plakiotakis) October 6, 2022
За двете несреќи реагираше и министерот за миграција и азил на Грција, Нотис Митаракис, кој преку Твитер итно ја повика Турција да преземе активности за спречување на нелегалните поаѓања за време на лоши временски услови, но побара и ЕУ да реагира.
„Денеска многу животи се загубени во Егејското Море, луѓето се дават во пловни објекти што се неповолни за пловидба. ЕУ мора да дејствува“,
напиша Митаракис на Твитер.
Urgent call to ?? to take immediate action to prevent all irregular departures due to harsh weather conditions. Already today many lives lost in the Aegean, people are drowning in unseaworthy vessels. EU must act.
— Νότης Μηταράκης – Notis Mitarachi (@nmitarakis) October 6, 2022
Митаракис објави и снимки за кои кажа дека турската крајбрежна стража насилно ги турка мигрантите кон Грција, што, како што вели, е кршење на меѓународното право.
Footage from Turkish coastguard violently pushing forward migrants to Greece, in violation of international law and the EU joint statement. This video was filmed by a refugee who was saved by ??. It is further proof of the instrumentalization of migration flows by ?? #migration pic.twitter.com/sXG74VxBYo
— Νότης Μηταράκης – Notis Mitarachi (@nmitarakis) October 5, 2022
Во првата несреќа кај Лезбос, според официјалните информации од грчката крајбрежна служба, извлечени се безживотните тела на 16 жени и едно дете, а спасени се девет жени.
Во однос на вториот бродолом во близина на островот Китира спасени се 80 лица, од кои 55 мажи, 18 деца и седум жени, а 11 од спасените се префрлени во болница.
И во двата случаи, спасувачката акција на крајбрежната служба продолжува.