Локалните власти во Запорожје минатата недела почнаа да дистрибуираат таблети со јод на жителите кои живеат во близина на електраната, во случај да бидат изложени на радијација
Руската армија ја зазеде нуклеарната централа Запорожје и околината на левиот брег на Дњепар кратко време по почетокот на нејзината инвазија врз Украина на 24 февруари. Украинските вооружени сили ги контролираат Никопол и Марганец – два града на десниот брег на таа широка река, од кои секој е десет километри од централата
Русија не сака да го признае огромниот радиолошки ризик во нуклеарната централа Запорожје во Украина, тврди Вашингтон, додавајќи дека тоа е причина поради која го блокирале последниот нацрт на договорот за неширење на нуклеарното оружје.
„Руската федерација сама одлучи да го блокира консензусот за финалниот документ на крајот од Десеттата конференција за преглед на Договорот за неширење на нуклеарно оружје (НПТ). Русија го направи тоа со цел да го блокира јазикот што само укажува на огромен ризик во нуклеарната централа Запорожје во Украина“,
соопшти Стејт департментот.
Русија во петокот го блокираше усвојувањето на заедничката декларација. Договорот е предмет на состанок на 191 потписник од Обединетите нации на секои пет години. Има за цел да го спречи ширењето на нуклеарното оружје и соработка во мирната употреба на нуклеарната енергија.
Според извештаите на западните медиуми, Русија се спротивставила на деловите од текстот кои се однесуваат на Запорожје, која е окупирана од руската армија, јавија американски медиуми.
Вчера Украина и Русија се меѓусебно се обвинуваа дека го гранатирале комплексот на нуклеарната централа.
Украинскиот оператор Енергоатом вчера предупеди дека постои опасност од истекување на радиоактивни материи од Запорожје. Компанијата тврдеше дека оштетена е инфраструктурата и постои висок ризик од пожар.
Енергоатом предупредува за опасност од истекување радиоактивни материи во Запорожје (360stepeni.mk)
Локалните власти во Запорожје минатата недела почнаа да дистрибуираат таблети со јод на жителите кои живеат во близина на електраната, во случај да бидат изложени на радијација.
Руската армија ја зазеде нуклеарната централа Запорожје и околината на левиот брег на Дњепар кратко време по почетокот на нејзината инвазија врз Украина на 24 февруари. Украинските вооружени сили ги контролираат Никопол и Марганец – два града на десниот брег на таа широка река, од кои секој е десет километри од централата.
Најголемата нуклеарна централа во Европа се наоѓа на југот на Украина и од март годинава е под контрола на руските сули.