Од 7 154 избирачи во единствениот избрачки список со право на глас на денешното гласање за градоначалник Ибраим, кој беше единствен кандидат, од досега преброените, доби 3 340 гласови, а 55 се неважечки, според првичните неофицијални резултати од ДИК. Излезноста е 47,46 отсто
Општина Центар Жупа, конечно избра градоначалник, откако на денешните по два пати повторени избори, беше обезбеден потребниот цензус од една третина од вкупното гласачко тело
Аријан Ибраим од Демократската партија на Турците, кој беше единствен кандидат за градоначалник доби трет мандат да раководи со Центар Жупа.
Од 7 154 избирачи во единствениот избрачки список со право на глас на денешното гласање за градоначалник Ибраим, кој беше единствен кандидат, од досега преброените, доби 3 340 гласови, а 55 се неважечки, според првичните неофицијални резултати од ДИК. Излезноста е 47,46 отсто.
Изборниот ден мина мирно без проблеми, соопшти Неџип Иљаз претседател на општинската изборна комисија.
Ибраим, во чиј штаб веќе се слави, е роден 1972 година, основно образование завршил во Центар Жупа, средно медицинско училиште во Тетово. Дипломирал на економскиот факултет на државниот универзитетот во Афјон, Република Турција а магистрирал на унивезитетот во Истамбул, насока меѓународно право. Како наставник во родната Жупа, работел две години, а по неколку години работа во Италија се враќа и активно почнува да се занимава со политика.
„Заедно со граѓаните сакам да ја честитам победата на Аријан Ибраим за градоначалник на Центар Жупа. Граѓаните на Центар Жупа со својата одлука потврдија дека знаат кој е вистинскиот правец по кој треба да се движи општината но и државата. Граѓаните го поддржаа кандидатот на владејачката коалиција, предложен од ТДП, Аријан Ибраим . Беа победени сите оние деструктивни сили кои сакаа изборите во Центар Жупа да не успеат. Граѓаните знаат дека изборот на градоначалник значи понатамошен развој на општината, понатамошно инфраструктурно развивање на општината и затоа го направија вистинскиот избор, а тоа е Аријан Ибраим“,
рече Ковачевски во обраќањето од Центар Жупа.
На редовните локални избори на 17 октомври минатата, но и на повторените на 17 април годинава, кога имаше еден противкандидат, Ибраим освои околу 80 отсто од гласовите, но не беше обезбеден цензус, поради што и се повторија изборите.
На редовните локални избори на 17 октомври минатата година беше избран 11-члениот совет на општината, во кој пет обезбеди Турската демократска партија, по две советнички места имаат СДСМ и Движењето за национално единство на Турците и по едно ВМРО-ДПМНЕ и Партијата за движење на Турците.