Министерот за внатрешни работи Оливер Спасовски утрово во летното издание на „Click21“ на ТВ21 порача дека тоа што се случува денеска е идентично како 27 април.
„Политичките лидери и политичките субјекти мора да бидат на висина на својата задача, да ја знаат сопствената одговорност. Потпалувањето на состојбите во државата не носат на добро, вие се сеќавате 2017 година, неколку денови за ред, месец дена можеби, имавме јавно собири, повикување пред Собранието, инструирање на луѓето, говор на омраза и на крајот ни се случи 27 април – упад во Собрание“,
рече Спасовски во контекст на протестите против францускиот предлог, кои ескалираа претходните денови.