За време на нејзината прва посета на Украина од почетокот на инвазијата, претседателката на Молдавија Маја Санду за време на посетата во земјата се сретна и со украинскиот претседател Володимир Зеленски, кого го информира оти Молдавија ќе го зајакне транспортниот и транзитниот капацитет со цел да се организираат товарни коридори до и од Украина
Претседателката на Молдавија, Маја Санду денеска е во прва посета на сеседна Украина од почетокот на руската инвазија на земјата. Санду ги посети украинските градови Буча, Ирпин и Бородјанка – мета на руски напади од почетокот на инвазијата.
„Без разлика на економските трошоци, без оглед на политичките трошоци, ние мора да ја запреме војната и мора да се погрижиме никогаш да не се повторат ваквите видови на злосторства“,
рече Маја Санду.
Таа оцени дека е срцепарателно да се слушаат исказите на сведоците и жртвите од војната.
„Останав без зборови поради нивото на насилство и уништување што го видовме. Ова е незамислива трагедија и од сè срце му посакуваме на храбриот несебичен украински народ мир, слобода и просперитет и живот по сопствен избор“,
напиша Санду на Твитер.
I’m in #Ukraine today. Visited the towns of #Borodyanka, #Bucha & #Irpin. Was left speechless by the level of violence & destruction we saw. It’s an unimaginable tragedy &we wholeheartedly wish the brave selfless ??people peace, freedom & prosperity, & life of their own choosing. pic.twitter.com/ylPrT5c5Sg
— Maia Sandu (@sandumaiamd) June 27, 2022
Претседателката на Молдавија за време на посетата во Украина се сретна и со украинскиот претседател Володимир Зеленски.
„Ги отворивме нашите срца и домови за граѓаните на Украина кои беа принудени да заминат и да најдат засолниште и ќе продолжиме да им помагаме на оние на кои им е потребна помош. Му кажав на претседателот Зеленски дека ќе го зајакнеме и транспортниот и транзитниот капацитет на Молдавија со цел да организираме товарни коридори до и од Украина“,
стои во нејзината Твитер-објава.
Посета на Санду во Украина доаѓа неколку дена откако на двете поранешни советски републики – Украина и Молдавија им беше доделен кандидатски статус за членство во ЕУ.
Инаку, Молдавија прими голем број украински бегалци по почетокот на руската инвазија на нејзиниот западен сосед на 24 февруари.