Украинскиот претседател Володимир Зеленски ја поздрави одлуката, нарекувајќи ја „единствен и историски момент во билатералните односи“
Дваесет и седум членки на ЕУ вечерва им доделија кандидатски статус на Украина и на Молдавија, објави во Брисел претседателот на Европскиот совет Шарл Мишел, нарекувајќи ја одлуката „историски момент“ во екот на руската агресија.
„Договор. Европскиот совет штотуку донесе одлука за доделување статус кандидат за ЕУ на Украина и Молдавија. Историски момент“,
напиша претседателот на Европскиот совет на Твитер.
Agreement. #EUCO has just decided EU candidate status to Ukraine and Moldova.
— Charles Michel (@CharlesMichel) June 23, 2022
A historic moment.
Today marks a crucial step on your path towards the EU.
Congratulations @ZelenskyyUa and @sandumaiamd and the people of Ukraine 🇺🇦 and 🇲🇩
Our future is together.
Украинскиот претседател Володимир Зеленски ја поздрави одлуката, нарекувајќи ја „единствен и историски момент во билатералните односи“.
Претседателката на Молдавија Маја Санду вечерва изјави дека потегот на Европската унија да и додели кандидатски статус на нејзината земја е историски ден.
Таа додаде дека Молдавија е пред тежок пат, за кој ќе треба многу работа и труд.
„Сепак, ние сме подготвени да го направиме тоа заедно за да обезбедиме подобра иднина за (молдавските) граѓани“,
рече Санду на Фејсбук.
Одлуката за Украина и Молдавија на Твитер ја поздрави и шефицата на Европската комисија, Урсула фон дер Лајен.
„Денес е добар ден за Европа“,
напиша таа, честитајќи им на претседателите на Украина и на Молдавија.
„Вашите земји се дел од европското семејство. Денешната историска одлука го потврдува тоа“,
додаде Фон дер Лајен во објавата на Твитер.
Today is a good day for Europe.
— Ursula von der Leyen (@vonderleyen) June 23, 2022
Congratulations to President @ZelenskyyUA President @Sandumaiamd and Prime Minister @GharibashviliGe
Your countries are part of our European family.
And today’s historic decision by Leaders confirms that. pic.twitter.com/lAkv8Bq5fs
За Грузија, ЕУ одлучи дека е подготвена да и додели кандидатски статус, но откако ќе бидат завршени неопходните приоритети.
The #EUCO decided to recognize the European perspective of Georgia and is ready to grant candidate status once the outstanding priorities are addressed.
— Charles Michel (@CharlesMichel) June 23, 2022
Congratulations to the Georgian people.
A historic moment in EU-Georgia relations: Georgia’s future lies within the EU. 🇪🇺🇬🇪