Предусловите за менување на цените на горивата се исполнети, информираат од Регулаторната комисија за енергетика (РКЕ), од каде најавија дека и денеска ќе се носи нова одлука за цените на нафтените деривати кои ќе стапат во сила од полноќ
Вчера на полноќ, бензините и дизел-горивото поскапеа за девет денари, откако владата не го продолжи времетраерњето на антикризната мерка со која беше предвидено нафтените деривати да се продаваат со ДДВ од 10 отсто. Сега, горивата се продаваат со цена која во себе вклучува 18 проценти ДДВ
По вчерашното поскапување од девет денари и кај бензините и кај дизел-горивото, Регулаторната комисија за енергетика (РКЕ) најави дека и денеска ќе носи нова одлука за цените горивата и дека има предуслови за нивно менување.
„Предусловите се исполнети. РКЕ ќе донесе нова одлука за цената на горивата која ќе биде во сила од вечер на полноќ, изјави портпаролката на РКЕ“,
Марина Узунов.
Вчера на полноќ, бензините и дизел-горивото поскапеа за девет денари, откако владата не го продолжи времетраерњето на антикризната мерка со која беше предвидено нафтените деривати да се продаваат со ДДВ од 10 отсто. Сега, горивата се продаваат со цена која во себе вклучува 18 проценти ДДВ.
Со вчерашното зголемување на цените на горивата, еуросупер БС-95 и дизелот поскапеа за девет денари, а еуросупер БС-98 за 9,5 денари за литар. За 8,5 денари за литар е поскапо и екстра лесното масло за домаќинство.
Па така, според вчерашното зголемување на цените на нафтените деривати, литар еуросупер БС-95 чини 104 денари, еуросупер БС-98 се продава по цена од 106,5 денари. Новата цена на дизелот е 95 денари, а на екстра лесното масло за домаќинство е 93 денари.
Инаку, според последните измени на Правилникот за одредување на малопродажните цени на нафтените деривати, Регулаторната комисија може секој ден да носи одлуки за промена на цените на нафтените деривати доколку пресметката за цената на кој било нафтен дериват оди нагоре или надолу за два денари.