Србија е единствената земја во Европа која не воведе санкции кон Русија, иако се согласи со резолуциите на Обединетите нации и со декларациите на Европската Унија со кои се осудува руската инвазија на Украина, а официјален Белград таквиот став го оправдува со заштита на виталните потреби на земјата
Специјалниот пратеник на Соединетите Американски Држави за Западен Балкан, Габриел Ескобар, изрази надеж дека Србија ќе им се приклучи на другите земји од Западен Балкан и ќе воведе санкции кон Русија по формирањето на новата влада.
„Речиси сите земји од Западен Балкан се согласија на некој начин да ја натераат Русија да ја плати цената за таа (инвазија) преку санкции, преку поддршка за Украина и нејзиниот народ. Се надевам дека Србија ќе се приклучи на таа група и дека ќе се усогласи со санкциите кога ќе ја формира Владата“,
рече Ескобар во вчерашното обраќање на интернет на Самитот на демократијата во Југоисточна Европа, што се одржа во Будва.
Темата на собирот, на кој се беа претставници од ЕУ, САД, Велика Британија и регионот, беше „Војна во Европа: Влијанието на Балканот“.
Србија е единствената земја во Европа која не воведе санкции кон Русија, иако се согласи со резолуциите на Обединетите нации и со декларациите на Европската унија со кои се осудува руската инвазија на Украина, а официјален Белград таквиот став го оправдува со „заштита на виталните потреби на земјата интереси”.
Американскиот пратеник за Балканот го поздрави фактот што и ЕУ и НАТО ја потврдија „политиката на отворени врати“.
„Мислам дека е важно ЕУ да ја потврди својата политика на отворени врати. И таа политика не се однесува само на Украина и другите земји во ризик, туку и не потсетува дека уште шест земји се на ред пред Украина“,
посочи Ескобар.
Тој посочи дека земјите од Западен Балкан постигнале „огромен напредок“ и „импресивни реформи“ и изрази надеж дека Европа ќе го спроведе она што го кажува денес кога станува збор за европската интеграција на Западен Балкан.
Претседателот на Србија, Александар Вучиќ и претседателот на Русија, Владимир Путин, викендот разговараа телефонски, по што Вучиќ објави дека со Путин договориле поволна цена на гасот за Србија.