Премиерот Курти рече дека оваа година за владата била доста предизвикувачка, споменувајќи ја пандемијата, енергетската криза, руската агресија во Украина и многу други прашања
Претседателот на движењето Самоопределување и премиер на Косово, Албин Курти, на состанокот на главниот совет на партијата изјави дека во тек се подготовките за апликација на Косово во НАТО и ЕУ.
„Ние аплициравме за членство во Советот на Европа. Нашето членство во СЕ е додадена вредност за овој совет и можност Косово да постигне понатамошен напредок во областа на правдата. Се подготвуваме за поднесување барања за членство во Мировното партнерство во НАТО, а ќе аплицираме и за членство во ЕУ“,
рече Курти, пренесува КоССев.
Курти рече дека оваа година за владата била доста предизвикувачка, споменувајќи ја пандемијата, енергетската криза, руската агресија во Украина и многу други прашања.
Тој додаде дека во текот на оваа година, покрај предизвиците, напредувале во повеќе области.
„Обележавме економски раст, важни чекори во зајакнувањето на правосудниот систем, се боревме против криминалот и корупцијата, имавме прогресивни сојузи и ги зајакнавме односите со пријателска држава. „Косово стана светилник на демократијата во регионот“,
рече Курти.
Во врска со неговата двонеделна официјална посета на САД, Курти кажа дека се сретнал со седум сенатори и 12 конгресмени и седум високи претставници на американската влада.