Според денеска презентираните дизајни на монетите од едно и две евра и евроценти, куната – животното по кое е именувана актуелната хрватска валута – ќе биде мотив на монетата од едно евро, а другите мотиви се Никола Тесла, глаголицата и мапата на Хрватска
На седницата на Националниот совет за воведување на еврото како официјална валута во Хрватска, со која претседаваше хрватскиот премиер Андреј Пленковиќ, објавен е новиот изглед на хрватската монета од едно евро, на чиј реверс е куната.
Претставени се дизајните за сите четири варијанти на хрватските монети од евро и евроценти: на монетата од две евра има географска карта на Хрватска, на монетата од едно евро има карта на куна, додека на педесет центи е ликот на Никола Тесла, а на монетата од 5 евроценти стои глаголицата.
„Ова на хрватската куна и дава нов живот. Тоа ќе биде дел од монетите од едно евро кои ќе имаат важен симбол на хрватската монетарна државност. Мислам и дека мапата на Хрватска, куната, Никола Тесла и глаголицата се добро избрани и дека на тој начин Хрватска ќе биде препознаена“,
изјави премиерот Андреј Пленковиќ, пренесува Н1.
Токму дизајнот на монетата од едно евро на која се наоѓа куната изминатиот период предизвика полемика во јавноста.
Пред неколку месеци беше објавено дека токму мотивот на куната е „украден“ од фотографија од британскиот фотограф за птици и диви животни Иан Х. Лич. На денеска презентираните монети има друга илустрација.