Еден од корисниците на Твитер го објавил овој мотив со фотографија од куна во дивината, кои се многу слични
Мотивот на куната на хрватската монета од еврото е дизајниран од Стјепан Прањковиќ, магистер по применета уметност
На седницата на Националниот совет за еврото, во петокот пред хрватската јавност беа претставени најуспешните дизајни на националната страна за монети од евро и центи.
На монетата од две евра ќе биде прикажана географска карта на Хрватска, на едно евро мотив куна, на 50, 20 и 10 центи ликот на Никола Тесла, а на еден, два и пет центи ќе има мотив со официјалната кратенка на Република Хрватска – HR, напишана со глаголица, односно со комбинирани букви H и R во уникатен типографски знак што се користи уште од првата хрватска печатена книга од 1483 година.
Но, монетата од едно евро предизвика дебата на социјалните мрежи, откако еден од корисниците на Твитер го објавил овој мотив со фотографија од куна во дивината, кои се многу слични.
Корисниците на Твитер утврдија дека авторот на фотографијата на која е прикажана куната е од британскиот фотограф за птици и диви животни Иан Х. Лич.
„Навистина се надеваме дека дизајнерот на хрватската монета од евро ве контактирал и ви платил за вашите права. Дизајнот изгледа сомнително како вашата фотографија“,
напишал еден корисник на Твитер на авторот на фотографијата.
Во дискусијата се вклучил и фотографот Лич.
„Ви благодарам што ме известивте. Не сум сигурен што можам да направам сега, можеби ќе ми испратат бесплатна паричка“,
напиша тој.
Мотивот на куната на хрватската монета од еврото е дизајниран од Стјепан Прањковиќ, магистер по применета уметност.
Bar se nadam da je kupljeno sa nekog stocka 🙁 pic.twitter.com/KpSiJFu9v2
— Marko (@mlinka) February 4, 2022