Како што јавуваат медиумите, маж од автомобил отворил оган кон луѓето во близина на ресторанот „Ел Санто“, испукал 50-ина куршуми, а потоа избегал од местото на настанот
Најмалку шест лица се убиени, а најмалку десет се ранети во оружен инцидент во центарот на Сакраменто, Калифорнија, соопшти полицијата.
Полициската управа на Сакраменто соопшти дека пукањето се случило рано утринава.
Засега не е познато во каква состојба се повредените.
Како што јавуваат медиумите, маж од автомобил отворил оган кон луѓето во близина на ресторанот „Ел Санто“, испукал 50-ина куршуми, а потоа избегал од местото на настанот.
На Твитер се појави видео на кое се слушаат истрелите додека авторот на видеото снима тепачка меѓу млади луѓе пред ресторан.
#BREAKING: New video from the shooting in downtown Sacramento, California appears to capture fully automatic gunfire. Up to 6 fatalities reported at this time. pic.twitter.com/oHUFea5vF6
— UA News (@UrgentAlertNews) April 3, 2022
Полицијата на Твитер објави дека на местото на несреќата ќе останат голем број полицајци.