Шефот на руската дипломатија ја коментираше изјавата на украинскиот претседател кој остро го критикуваше НАТО што не го затвора воздушниот простор над Украина за да ги спречи руските напади
Украинскиот претседател, Володимир Зеленски сака да предизвика конфликт меѓу Русија и НАТО, оцени денеска шефот на руската дипломатија, Сергеј Лавров.
„Ако Зеленски е толку вознемирен поради немешањето на НАТО во конфликтот, тоа значи дека тој смета токму на НАТО во решавање на ситуацијата“,
рече Лавров.
Шефот на руската дипломатија го обвини Зеленски дека има милитаристичка жар и додаде дека се надева дека тоа ќе се промени.
Според Лавров, украинската делегација постојано бара изговори за одложување на секоја следна рунда преговори со Русија.
„Руските преговарачи чекаат било каква информација од украинската страна, како и во текот на првите две рунди. Ситуацијата изгледа прилично чудна, како сите да се заинтересирани да се постигне договор што е можно поскоро за тоа се целосно да се регулира. Од друга страна, за тоа би требало да е најзаинтересирана украинската страна, која постојано бара изговори да го одложи почетокот на новата средба“,
рече Лавров, додавајќи дека Москва се уште не ги добила роковите за нова, трета рунда преговори со Киев.
Американскиот државен секретар Ентони Блинкен изјави дека воспоставувањето зона на забранети летови над Украина од страна на САД и нивните сојузници во НАТО може да доведе до „целосна војна во Европа“.
Тој нагласи дека Вашингтон ќе продолжи да работи со своите сојузници со цел да им обезбеди на Украинците средства за одбрана од руската агресија, пренесува Си-ен-ен.