Во Романија дневно влегуваат околу 30 000 украински бегалци, а вкупниот број на оние кои влегле во земјата надмина 200 000
Прифатни центри се организирани долж границата – станува збор за спортски сали и претежно се странски државјани, а Украинците го продолжуваат патувањето кон земјите од Западна Европа
Прифатни центри се организирани долж границата – станува збор за спортски сали и претежно се странски државјани, а Украинците го продолжуваат патувањето кон земјите од Западна Европа
Во Романија дневно влегуваат околу 30 000 украински бегалци, а вкупниот број на оние кои влегле во земјата надмина 200 000, објави Н1.
Повеќе од 140 000 бегалци веќе ја напуштиле Романија и главно одат во западноевропските земји, најмногу во Полска и Чешка.
Екипата на Н1 беше една од ретките кои вчера влегоа во Украина, објавувавјќи километарски колони автомобили, главно украински државјани.
Некои чекаат во колони од три до пет дена да стигнат до Романија, а доаѓаат од сите делови на Украина.
Слична е ситуацијата и во Молдавија, а границите меѓу Молдавија и Романија се преполни.
Прифатни центри се организирани долж границата – станува збор за спортски сали и претежно се странски државјани, а Украинците го продолжуваат патувањето кон земјите од Западна Европа.
Во Полска секојдневно влегуваат стотици илјади бегалци, а се предвидува дека до утре тој број ќе достигне еден милион.
Луѓето на граница чекаат да бидат превезени со автобуси, возови, има многу жени, деца, а има и странци, бидејќи пред војната во Украина живееле 470 000 странски државјани.
Меѓу оние кои влегле во Полска има и 380 000 ученици, па властите размислуваат за организирање училиште. Станува збор за деца кои посетувале основни и средни училишта, а не се вклучени малите деца.
Полјаците се добро организирани, на граничните премини има волонтери, се нуди пијалок, храна, облека …
Повеќето бегалци сакаат да останат во Полска кај роднините бидејќи има голема украинска заедница, а други велат дека сакаат да останат во Полска за да бидат што поблиску до Украина.