Украинската делегација на преговорите пристигна со хеликоптер, а шефот на руската дипломатија претходно изјава дека условите на Русија се минимални и дека може да се пронајде решение
На полско-белоруската граница почна втората рудна преговори помеѓу делегациите на Русија и Украина, а трите главни прашања на агендата за денеска се: прекин на огнот, примирје и воспоставување на хуманитарни коридори за евакуација на цивилите.
„Започнаа разговорите со руските претставници“
објави денеска на Твитер советникот на украинскиот претседател и член на украинската делегација во преговорите со Русија Микаило Подољак, изнесувајќи ги трите клучни прашања на средбата.
Start talking to Russian representatives. The key issues on the agenda:
— Михайло Подоляк (@Podolyak_M) March 3, 2022
1. Immediate ceasefire
2. Armistice
3. Humanitarian corridors for the evacuation of civilians from destroyed or constantly shelled villages/cities. pic.twitter.com/Pv0ISNjsod
Делегацијата на Украина, како што јавија белоруските медиуми, на местото на преговори во „Бјаловјешка шума“ пристигнале со хеликоптер.
Претходно, шефот на руската дипломатија Сергеј Лавров посочи дека условите кои ги поставила Русија се минимални и оти ќе биде пронајдено решение.
„Секако дека ќе се најде решение, не се сомневам во тоа. Условите кои за нас се минимални се добро познати, за нив се разговара и на преговорите со украинската страна, како што беше во Гомел и како што ќе се случи денеска“,
наведе Лавров.
Првата рунда преговори меѓу Русија и Украина се одржа во понеделникот во Гомел, во близина на белоруско-украинската граница.