На прес-конференција Лавров ја спореди Америка со нацистичкиот диктатор Адолф Хитлер кого, пак, Украинците, но и демонстрантите во останатите европски земји кои протестираа против руската инвазија, го споредуваа токму Владимир Путин
Нашата цел е да се ослободиме од нацистите во Украина, рече рускиот министер за надворешни работи Сергеј Лавров на прес-конференција.
Тој посочи дека преговорите меѓу украинските и руските сили ќе се одржат денеска и вели дека тие може да се водат „под услов на рамноправност“.
На неговата прес-конференција присуствуваат и странски новинари, а тој му порача на Западот дека не е тој што треба да одлучува за безбедноста на Русија.
„Сигурен сум дека нашите партнери од Западот ќе се смират и ќе бараат решение преку дијалог. Западот не треба да одлучува за нашата безбедност… Западот се обидува да ни ја наметне сопствената слика за иднината на Европа“,
рече Лавров.
На прес-конференција Лавров ја спореди Америка со нацистичкиот диктатор Адолф Хитлер кого, пак, Украинците, но и демонстрантите во останатите европски земји кои протестираа против руската инвазија, го споредуваа токму Владимир Путин.
„Америка им диктира на Германците што е добро за европската енергетска безбедност. Тие велат дека не им треба гасоводот ‘Северен тек 2’ и тврдат дека Америка ќе обезбеди енергетска безбедност, која е неколкупати поскапа. Наполеон и Хитлер имаа за цел да ја стават цела Европа под своја контрола. Сега Американците сакаат да го направат тоа“,
рече Лавров.
Рускиот шеф на дипломатијата рече и дека како што во филмовите имате слика за апсолутно зло и апсолутно добро, слична е и глобалната слика.
Photo: EPA-EFE/EDUARDO MUNOZ / POOL