Шефот на надворешната политика на ЕУ, Жозеп Борел, на својот Твитер-профил истакна дека „вчерашниот уставен референдум во Белорусија беше организиран од Лукашенко за да добие дополнителни алатки за дополнително консолидирање на неговата моќ. Бришењето на членот 18 за ненуклеарниот статус на Белорусија е многу загрижувачки“
Европската унија денеска предурпеди дека Белорусија би можела да почне со процес да биде „домаќин“ на руско нуклеарно оружје, по „многу опасната“ одлука на референдумот за откажување од ненуклеарниот статус на државата.
„Знаеме што значи за Белорусија да биде нуклеарна. Тоа значи дека Русија ќе стави нуклеарно оружје во Белорусија и ова е многу опасен пат“,
рече шефот за надворешна политика на ЕУ, Жозеп Борел.
Тој на својот Твитер-профил истакна дека „вчерашниот уставен референдум во Белорусија беше организиран од Лукашенко за да добие дополнителни алатки за дополнително консолидирање на неговата моќ. Бришењето на членот 18 за ненуклеарниот статус на Белорусија е многу загрижувачки“.
На вчерашниот референдум за новиот Устав, со кој Белорусија се откажува од својот ненуклеарен статус, според официјалните податоци за него гласале 65 отсто од граѓаните.
Белорускиот претседател Александар Лукашенко вчера изјави дека би можел да бара од Русија да го врати нуклеарното оружје во Белорусија.
„Ако Западот распореди нуклеарно оружје во Полска или во Литванија, до нашите граници, тогаш ќе му се обратам на Путин да го врати нуклеарното оружје што го дадов без никакви услови“,
истакна Лукашенко.
Западните земји претходно соопштија дека нема да ги признаат резултатите од референдумот, што се одржуваше во атмосфера на пресметка со белоруската опозиција и противниците на режимот на Лукашенко.