Во однос на сметките за струја на општините, Мицкоски нагласи дека се многу повисоки од досегашните, дури за четири-пет пати
Лидерот на ВМРО-ДПМНЕ, Христијан Мицкоски, најави дека оваа партија деновиве ќе предложи намалување на акцизата за горивото.
„Чекавме Владата да се вразуми и самата да ги намали акцизите, но бидејќи тоа не се случува, ќе има од нас таков предлог во наредните денови“,
истакна Мицкоски одговарајќи на новинарски прашања по денешната посета на Ѓорче Петров.
Во однос на сметките за струја на општините, Мицкоски нагласи дека се многу повисоки од досегашните, дури за четири-пет пати. Тој ја обвини власта дека требала да води сметка како да ги зголеми дотациите во локалните самоуправи зашто кризата е од лани, кога се подготвувал буџетот.
„Од 2018 до 2021 година дотациите од централниот буџет до општините растат, дури во една година и со 34 милиони евра. Оваа 2022 година се намалени од 316 на 312 милиони евра во услови на пандемија, енергетска и економска криза. Тоа е така зашто народот заедно со ВМРО-ДПМНЕ го порази овој корумпиран трул режим на СДСМ и ДУИ. И тоа ќе продолжи. Не очекуваме дека Фатмир Бесими, Артан Груби, Бујар Османи, Али Ахмети и администраторот Ковачевски ќе имаат разбирање за општините. Но, ќе го победиме и ќе има одговорност. И така ќе продолжи. Не очекуваме дека Фатмир Битиќи ќе се бориме и ќе ги поразиме, а потоа ќе има одговорност“,
изјави Мицкоски.
Градоначалникот Александар Стојкоски рече дека сметките на Општина Ѓорче Петров се петкратно зголемени, а поддршката од централната власт изостанува. ЗЕЛС бара средба со премиерот Ковачевски зашто на вчерашната средба со ЗЕЛС вицепремиерот Фатмир Битиќи не дошол. Според него, Ѓорче Петров оваа година има 10 милиони денари помалку дотации за градинките.