Ставовите на ВМРО-ДПМНЕ дека некој исклучил струја заради Мицкоски се на ниво на забеганоста со која режимот 11 години злоупотребуваше институции, возвратија од владејачкиот СДСМ откако опозициската ВМРО-ДПМНЕ побара одговорност од власта зошто снемало струја додека лидерот на партијата, Христијан Мицкоски, држел говор во објектот на Филхармонија.
„Ставовите на ВМРО-ДПМНЕ дека некој исклучил струја заради Мицкоски се на ниво на забагеноста со која режимот 11 години злоупотребуваше институции, гасеше струја, лифтови, местеше сообраќајки, фалсификуваше лични карти. Тоа во суштината е и признинето на врхушката на ВМРО-ДПМНЕ во предметот „Титаник“ и целиот криминал на режимот“,
велат од СДСМ.
Од СДСМ сметаат дека ништо не е променето во ВМРО-ДПМНЕ и дека „тоа е истата режимска партија со истиот начин на размислување и делување управувана од двоецот Мицкоски – Груевски“.