Овој сертификат беше воведен во јуни 2021 година и според првичната одлука требаше да се употребува околу една година
Европската комисија (ЕК) предлага употребата на дигиталниот ковид-сертификат на ЕУ за патување да се продолжи до крајот на јуни 2023 година.
Според Европската комисија, предлогот за продолжување е даден бидејќи во оваа фаза не може да се утврди како би се развивала пандемијата и кој е ризикот од ширење на заразата или од појавата нови варијанти на коронавирусот.
За да стапи во сила барањето на ЕК, предлогот треба да го прифатат земјите-членки на ЕУ и Европскиот парламент.
Дигиталниот ковид-сертификат го олеснува патувањето помеѓу земјите членки на ЕУ, како и низа трети земји кои се приклучија кон системот. Овој сертификат содржи информации за дози на вакцини, прележаност и резултат на ПЦР-тестови.
Овој сертификат беше воведен во јуни 2021 година и според првичната одлука требаше да се употребува околу една година.
Поднесувањето на предлогот за подложување на употребата на ковид-сертификати следува откако вчера во ЕУ стапија во сила новите правила за патување во Унијата со кои сертификатите за вакцинација со две дози се валидни 270 дена (9 месеци) од примањето на втората доза. Засега, овие правила од девет месеци не важат за вакцинираните со трета доза.
Photo: EPA-EFE/GEORGI LICOVSKI