Објаснувањето од МНР доаѓа, откако некои медиуми во земјава објавија дека црногорскиот премиер Здравко Кривокапиќ „ја прекинал посетата“ на Радуловиќ на Северна Македонија, бидејќи, како што наведуваат, министерот застанал на страната на коалициски партнер кој повеќе не ја поддржува неговата Влада
На иницијатива на Министерството за надворешни работи на Црна Гора, беше договорено посета на шефот на црногорската дипломатија Ѓорге Радуловиќ на Скопје, која првично требаше да се реализира утре. Подоцна, иницијативата од нивна страна беше повлечена, а реализацијата на посетата е оставена за друг термин што дополнително подоцна ќе се договори, потврдија од МНР за МИА.
Објаснувањето од МНР доаѓа, откако некои медиуми во земјава објавија дека црногорскиот премиер Здравко Кривокапиќ „ја прекинал посетата“ на Радуловиќ на Северна Македонија, бидејќи, како што наведуваат, министерот застанал на страната на коалициски партнер кој повеќе не ја поддржува неговата Влада.
Шефот на црногорската дипломатија требало да се сретне со македонскиот државен врв во Скопје, но сите средби се откажани и тој, како што наведуваат дел од медиумите, „морал да се врати од Скопје во Подгорица“.