Таравари без никакво одлагање треба понизно да им се извини на сите жртви, нивните семејства, на граѓаните и веднаш да ја избрише својата објава на Фејсбук, повикаа од ДУИ
Демократската унија за интеграција (ДУИ) вечерва ја повика академската заедница, креаторите а јавнотоислење, медиумите новинарите и невладините организации да ја осудат објавата на градоначалникот на Гостивар и генерален секретар на Алијанса за Албанците, Арбен Таравари на Фејсбук во која го цитира Хитлер.
„Неверојатно, но за жал вистинито. Градоначалникот на Гостивар и генерален секретар на Алијансата за Албанците, Арбен Таравари, го внесува Адолф Хитлер во политиката на Северна Македонија преку неприфатлива, скандалозна, страшна и бесмислена и провокативна метафора напишана на неговата веб-страница на Фејсбук. Таравари бесрамно ја цитира Хитлер: ‘Пошто народот гласаше за нас, сега нека трпи смрт!’, објави на Фејсбук. Исто така, сите членови и раководството на неговата партија веднаш да го осудат овој неприфатлив чин и да се оградат од апсурдниот став на Таравари. За Арбен Таравари кој има ваков став нема место во нашето општество“,
се вели во соопштението на ДУИ.
„Таравари без никакво одлагање треба понизно да им се извини на сите жртви, нивните семејства, на граѓаните и веднаш да ја избрише својата објава на Фејсбук. Исто така, сите членови и раководството на неговата партија треба веднаш да го осудат овој неприфатлив чин и да се оградат од апсурдниот став на Таравари“,
велат од партијата на Али Ахмети.
ДУИ бара од академскиот свет, креаторите на јавното мислење, медиумите и новинарите, од невладините организации да го кренат својот глас против ваквиот став на Таравари.
Што напиша Таравари?
Градоначалникот на Гостивар и висок функционер на Алијансата, попладнево на својот личен профил на Фејсбук напиша:
„Втората светска војна можеше да заврши порано и можеше да се спасат многу животи кои беа збришани како резултат на нејзиното лудило. Во време кога Хитлер почнал да се намалува донекаде во воената моќ и мапата на неговите освојувања почнала да се распаѓа, еден од неговите команданти го информирал за овие работи и го замолил да се повлече од војната затоа што биле убиени многу невини луѓе, меѓу кои и многу деца. Хитлер категорично му се спротивставил со: ‘Затоа што народот гласаше за нас, сега нека трпи смрт!’“,
се вели во објавата.