Полицијата соопшти дека патничко моторно возило „фолксваген пасат“ со кумановски регистарски ознаки, управувано од Б.Ѓ. (33) од Куманово, вчера попладне на магистралниот пат за Крива Паланка удрило во Р.П. (64) од село Луке, Крива Паланка. По несреќата Р.П. била пренесена во Општата болница во Куманово за укажување на лекарска помош каде околу 19,20 часот од страна на лекар била констатирана смрт.
Несреќата се случила во близина на населбата Карпош, а била пријавена во 18:30 часот. МВР соопшти дека е извршен увид од Јавен обвинител и од увидна екипа на СВР Куманово.
Од друга стана, Љ.Ј. (44) од Охрид здобил тешки телесни повреди откако на регионалниот пат Охрид – Св.Наум со патничко моторно возило „рено“ удрил во метална заштитна ограда.
Како што соопшти МВР, повредениот е пренесен во Општата болница во Охрид каде му се констатирани повредите.
На местото на настанот е извршен увид од увидна екипа од СВР Охрид.