СЗО: Омикрон е како „цунами“, за 71 отсто покачен бројот на заразени од ковид

Светската здравствена организација соопшти дека минатата недела се забележани рекордни 9,5 милиони случаи на ковид-19 ширум светот, со напомена дека зголемувањето на неделниот број на инфекции од 71 отсто се должи на „цунамито“ предизвикано од сојот омикрон.

Негативниот тренд продолжува: Веќе трет ден по ред расте бројот на заразени со ковид-19 во земјава

„Минатата недела се пријавени најголем број случаи на зараза со ковид-19 од почетокот на пандемијата“, изјави генералниот директор на СЗО, Теодрос Гебресијус.

Тој вели дека СЗО е сигурна дека бројот на новозаразени е поголем бидејќи за време на празниците е намален обемот на направени тестирања.

Светската здравствена организација во својот неделен извештај за пандемијата посочува дека биле пријавени и 41 илјада смртни случаи како последица од коронавирусот.

Експлозија на омикрон во регионот – се уриваат рекорди, се најавуваат можни нови мерки