Омикрон регистриран и во Полска, заразена е 30-годишна жена

Полска досега немаше регистрирано ниту еден случај на омикрон

Полските власти денеска соопштија дека првиот случај на инфекција со варијантата омикрон е откриен кај патничка од Лесото.

Министерството за здравство на Полска соопшти дека заразената 30-годишна жена се чувствува добро и е во изолација.

Таа пристигнала во Полска минатата недела како учесник на Дигиталниот самит на ОН во Катовице на југот на земјата и тестирана е позитивна на Омикрон пред да замине.

Доаѓа сезоната на празници, а досега најзаразната варијанта – омикрон, сè повеќе се шири во светот

Здравствените власти контактирале, тестирале и изолирале лица кои биле во контакт со заразената жена.

Полска досега немаше регистрирано ниту еден случај на омикрон, иако девојка која отпатувала за Кина овој месец била позитивна по слетувањето.

Во Полска, бројот на новозаразени со коронавирусот се стабилизира на 20 000 до 25 000 дневно. Во земјата се вакцинирани 20,7 милиони од вкупно 38 милиони жители.

Се очекува омикрон да биде доминантен во почетокот на 2022 година, според последната проценка на ЕЦДЦ