Околу 90 отсто од граѓаните досега примиле вкупно две дози вакцини против вирусот
Обединетите Арапски Емирати (ОАЕ) соопштија дека тие се првата земја во светот што вакцинирала 100 отсто од своето население против коронавирус со најмалку една доза, јавува ДПА.
Околу 90 отсто од граѓаните досега примиле вкупно две дози вакцини против вирусот, според Управата за управување со кризи и катастрофи.
Севкупно, земјата администрирала речиси 22 милиони дози вакцини кај нејзините речиси 10 милиони жители, а веќе дава и трета, засилувачка доза.
Според податоците од Универзитетот „Џонс Хопкинс“ во САД, ова ја прави заливската држава светски лидер во целосната вакцинација.
Обединетите Арапски Емирати сега имаат двоцифрени новозаразени на дневно ниво. Минатата недела починаа две лица од последици од ковид-19.