За аплицирање може да се пријават млади Европејци родени помеѓу 1 јули 2001 година и 31 декември 2003 година
Во рамките на „DiscoverEU“, Европската комисија ќе им обезбеди бесплатни билети за патување на 60 000 Европејци на возраст од 18 до 20 години. За билетите ќе се кандидираат малдите лица од утре до 26 октомври напладне, за период на патување во 2022 година, што ќе биде Европска година на младоста, објави ЕК.
Комесарот за иновации, истражување, култура, образование и млади, Марија Габриел, рече дека е задоволна што отвора нова рунда на иницијативата „DiscoverEU“, во која 60 000 млади луѓе ќе имаат можност да го искусат богатството на овој континент.
„Во контекст на Европската година на младоста, иницијативата ‘DiscoverEU’ се враќа со поголеми амбиции за младите луѓе, да ги прошират своите хоризонти и знаења, да стекнат нови искуства и да запознаат други Европејци додека патуваат со воз од март 2022 година натаму“,
вели Габриел.
За аплицирање може да се пријават млади Европејци родени помеѓу 1 јули 2001 година и 31 декември 2003 година. Исклучок се и 19 и 20-годишни кои исто така можат да аплицираат откако рундите за пријавување беа одложени поради пандемијата.
Билетите ќе може да се искористат помеѓу март 2022 и февруари 2023 година од 1 до 30 денови.