Меркел во саботата вечерта пристигна во дводневна проштална посета на Израел како канцеларка, за време на која се сретна со израелскиот премиер Нафтали Бенет и новиот претседател на земјата, Исак Херцог
Германската канцеларка во заминување Ангела Меркел дденеска положи венец во Меморијалниот центар на холокаустот во Јад Вашем во Ерусалим, во спомен на шесте милиони Евреи од Европа убиени од нацистите и нивните соработници за време на Втората светска војна.
„Секоја посета на Јад Вашем ме допира до срж. Злосторствата против еврејскиот народ што се документирани овде се вечен потсетник за одговорноста што ја сносиме ние Германците и предупредување“,
рече Меркел, потенцирајќи дека одговорноста на Германија е да се спротивстави на антисемитизмот.
Израел е основан по Холокаустот во 1948 година, и воспостави дипломатски односи со Германија дури во 1965 година, но во текот на децениите, врските меѓу двете земји се зајакнаа.
Германија е најголемиот трговски партнер на Израел во Европа, а германската Влада дава поддршка за еврејската држава за време на војните и дипломатските кризи.
Меркел во саботата вечерта пристигна во дводневна проштална посета на Израел како канцеларка, за време на која се сретна со израелскиот премиер Нафтали Бенет и новиот претседател на земјата, Исак Херцог.