Новите одлуки на грчката влада стапуваат во сила в сабота и ќе се ажурираат секои 15 дена
Дополнителните рестрикции, како полицискиот час и забраната за музика во угостителските објекти во текот на целиот ден, кои во Грција се воведуваа повремено, на локално ниво, во црвените зони со влошена епидемиолошка состојба, повеќе нема да бидат опција како мерки на рестрикција, а во иднина се ќе функционира регуларно, но со ограничувања за невакцинираните, јави МИА од Атина.
Во затворените простори наменети само за вакцинирани лица, односно во угостителските објекти, ноќните клубови, баровите и сл. нема да постојат никакви ограничувања.
Црвени зони ќе постојат и понатаму, но само од информативен карактер за епидемиолошката состојба во земјата, без дополнителни мерки.
Новите одлуки на грчката Влада, стапуваат во сила во сабота и ќе се ажурираат секои 15 дена.
Последен пат полициски час беше воведен на 30 септември во неколку региони во Грција.