На маргините на Самитот на ЕУ за Западен Балкан во Словенија, премиерот Зоран Заев имал билатерална средба со премиерката на Естонија, Каја Калис, на која заклучиле дека се потребни посилни пораки за поддршка на нашите аспирации за членство во Унијата.
„Премиерот Заев во разговорот ја поздрави заложбата на Република Естонија како вреден партнер и поддржувач на нашата интеграција во Европската Унија, како и во процесот на зачленување на Северна Македонија во НАТО и се заблагодари за силната и гласна поддршка за започнување преговори за пристапување. Заеднички заклучок од средбата на премиерот Заев со премиерката Калис е дека Самитот на ЕУ за Западен Балкан треба да испрати посилни пораки до граѓаните за поддршка за аспирациите на земјите од регионот за пристапување во Европската Унија“,
соопштија од Владата.
Заев, исто така, се заблагодарил и за поддршката на Естонија за дигитализацијата во земјава, за што двете земји одобрија и склучување Меморандум за разбирање меѓу македонскиот Секретаријат за европски прашања и Естонскиот центар за меѓународен развој во областа на дигитализацијата и е-управување.