Албанскиот премиер со шефот на европската дипломатија разговарал и за Самитот ЕУ-Западен Балкан следната недела во Словенија и за ситуацијата во регионот
Премиерот на Албанија, Еди Рама, за време на неговиот престој во Абу Даби разговарал со шефот на дипломатијата на ЕУ, а една од темите вели бил и отворениот конфликт на Бугарија со Северна Македонија кој, според него, ја држи неговата земја како заложник.
„Средба со Жозеп Борел, главен дипломат и посредник на ЕУ во разговорите Косово-Србија, со кого разговаравме за Самитот ЕУ-Западен Балкан следната недела, ситуацијата во регионот, како и отворениот конфликт на Бугарија со Северна Македонија, каде како заложник е земена Албанија“,
објави Рама на Фејсбук.
Рама се наоѓа во официјална посета на Абу Даби каде како почесен гостин ќе учествува и на „World Policy Conference“.