Падот на новозаразени во периодот од 20 до 26 септември главно се должи на помалиот број регистрирани случаи во Јужна и Северна Америка, Југоисточна Азија и Африка, додека во Европа е на исто ниво како и претходната недела
Повеќе од 3,3 милиони нови случаи на коронавирус и над 55 000 смртни случаи се регистрирани во светот минатата недела, објави Светската здравствена организација (СЗО).
Во неделниот билтен објавен рано утрово во Женева, се заклучува дека бројот на нови случаи и смртни случаи се намалил за 10% во споредба со претходната недела.
Во периодот од 20 и 26 септември, според СЗО, има нешто повеќе од 3,3 милиони случаи и над 55 000 смртни случаи. Минатата недела, регистриран е пад на инциденцата на нови случаи во Источниот Медитеран за 17 проценти, на Западниот Пацифик за 15 проценти, Јужна и Северна Америка за 14 проценти, Африка за 12 проценти и Југоисточна Азија за 10 проценти.
Во исто време, бројот на случаи во Европа остана на исто ниво, како и во претходниот седумдневен период.
Според СЗО, од почетокот на пандемијата до 28 септември, во светот се регистрирани вкупно 232 075 351 случаи на ковид-19 и 4 752 988 смртни случаи.