Претседателот на Јужна Кореја Мун Џе-ин најави дека размислува да воведе забрана за конзумирање месо од кучиња, јавува британски Гардијан.
Јадењето кучешко месо според него е дел од домашната традиција, но е меѓународен срам за Кореја.
„Зарем не е дојдено време внимателно да размислиме да забраниме конзумирање кучешко месо?“, го прашал претседателот Мун премиерот Ким Бу-кјом за време на заедничкиот неделен состанок.
Се верува дека во Јужна Кореја годишно се јадат околу милион кучиња, но во последно време е се поголем бројот на жители на оваа земја кои ги чуваат кучињата како домашни миленичиња и се противат на традицијата, тие и натаму да бидат на менијата на корејската кујна.
Расте бројот и на активисти за заштита на правата на животните кои вршат сериозен притисок врз властите за воведување на забраната. И самиот претседател на Јужна Кореја е љубител на кучиња и чува неколку миленичиња.
Според тамошното законодавство, забрането е суровото колење на мачки и на кучиња, но не е забранета нивната конзумација.