Исланд исто така беше првата земја која избра жена претседател во 1980 година
Исланд стана првата земја во Европа која има повеќе жени отколку мажи во Парламентот, еден ден по парламентарните избори, кои ја доведоа во прашање иднината на лево-десничарската коалиција, и покрај тоа што освои јасно мнозинство.
Од 63 места во законодавниот дом, 33 ќе ги заземат жени, или 52 отсто, според прогнозите врз основа на денешните конечни резултати.
Ниту една друга европска земја нема повеќе од 50 проценти жени пратеници, а Шведска е најблиску со 47 отсто, според податоците собрани од Светска банка.
Пет други држави во светот моментно имаат парламенти во кои жените имаат најмалку половина од пратеничките места, според Интерпарламентарната унија: Руанда (61 отсто), Куба (53 проценти), Никарагва (51 отсто) и Мексико и Обединетите Арапски Емирати (50 проценти).
За разлика од некои други земји, Исланд нема законски квоти за застапеност на жените во Парламентот, иако некои партии бараат минимален број жени кандидати.
Оваа скандинавска земја долго време е пионер во родовата еднаквост и правата на жените и ја предводи листата на Светскиот економски форум за родова еднаквост во последните 12 години. Исланд исто така беше првата земја која избра жена претседател во 1980 година.