Од рано утрово половина од полуостровот Пелопонез е во црвената зона, заедно со дел од централна Грција, дел од островот Крит и целиот остров Икарија
Полициски час од еден часот по полноќ до 6 часот наутро и забрана за музика во угостителските објекти во текот на целиот ден се воведуваат во уште два региона во Грција, а се продолжуваат во уште пет области, јави МИА од Атина.
Од рано утрово половина од полуостровот Пелопонез е во црвената зона, заедно со дел од централна Грција, дел од островот Крит и целиот остров Икарија.
Поконкретно, рестрикциите се во воведени во регионите Арголида и Евританија, а се продолжени во областите Илија, Ахаија и Месинија на Пелопонез, како и на островот Икарија и во градот Ираклио на Крит.
Мерките се во сила до следниот петок во 6 часот наутро.