Три лица од Гостивар се приведени откако полициските службеници ги фатиле со ќесе со кокаин
Како што информира Министерството за внатрешни работи, во текот на вчерашниот ден околу 22 часот биле лишени од слобода А.Б. (31) од Гостивар и С.Ф. (33) и А.И. (31) од гостиварските села Беловиште и Чегране поради постоење основи на сомнение за сторено кривично дело неовластено производство и пуштање во промет на наркотични дроги, психоптропни супстанции и прекурсори.
Претходно, од возило во кое се превезувале, во близина на наплатната станица Гостивар, фрлиле ќесе со кокаин, кое било пронајдено. По документирање на случајот ќе следуваат соодветни поднесоци.