Арифи која е на оваа функција веже два мандати, од 2013 година наваму, на социјалните мрежи објави дека вечерва на состанокот на тетовскиот огранок на ДУИ го прифатила предлогот да биде кандидат на претстојните локални избори
На партиска средба на Демократската унија за интеграција во Тетово е одлучено Теута Арифи да биде кандидат за градоначалник на Тетово. Преку социјалните мрежи таа објави дека го прифатила партискиот предлог таа повторно да се кандидира.
„Бидејќи веќе осум години сум градоначалник на Тетово, ги знам проблемите и предизвиците подобро од било кој друг. Така знам што останува да се направи. Научив дека не можеме да ја постигнеме оваа мисија поинаку, освен заедно. Заедно со вас, со нашите пријатели, со поддршка на централната власт и заедно со граѓаните. Овие избори не се за мене, овие избори се за нас. За нас како ДУИ, а уште повеќе за нас како граѓани на Тетово. Сега е време да го подготвиме Тетово за во иднина, со инвестиции во гасификација, со еколошка инфраструктура – модерно Тетово, што ќе не направи горди не само како метропола на регионот, туку и како чист и зелен град за идните генерации“,
напиша Арифи.
Теута Арифи е градоначалничка на Тетово во два мандати, од 2013 година.