Почувствуван е од населението на Струмица, Валандово и околината со интензитет од три степени според Европската макросеизмичка скала
Земјотрес со епицентар 120 километри југоисточно од Скопје, кој потекнува од епицентралното подрачје Струмица, е регистриран вечерва во 19 часот, соопшти Сеизмолошката опсерваторија при Природно-математичкиот факултет.
Земјотресот бил со локална Рихтерова магнитуда ML2.2, а почувствуван е од населението на Струмица, Валандово и околината со интензитет од три степени според Европската макросеизмичка скала.
Во меѓувреме, на страницата на Европскиот медитерански сеизмички центар (ЕМСЦ) со седиште во Париз, објавено е дека во изминатите четири часа се регистрирани поеќе потреси со јачина од 3,6 до 3,3 степени според Европската скала.