Премиерот на австралиската држава Викторија, Даниел Ендрјус, објави дека строгите ограничувања ќе се олеснат само кога 70 проценти од возрасните жители на оваа држава ќе примат барем една доза вакцина, што, како што тврди, треба да се постигне до 23-ти септември, врз основа на текот на вакцинација
Австралиските власти го продолжија карантинот во Мелбурн за уште три недели поради сиуацијата со ковид-19, фокусирајќи се истовремено на забрзување на кампањата за вакцинација.
Премиерот на австралиската држава Викторија, Даниел Ендрјус, објави дека строгите ограничувања ќе се олеснат само кога 70 проценти од возрасните жители на оваа држава ќе примат барем една доза вакцина, што, како што тврди, треба да се постигне до 23-ти септември, врз основа на текот на вакцинација.
„Вложивме се во ова, но сега е јасно дека нема да ги намалиме овие бројки, туку тие ќе се зголемуваат“, и
зјави Ендрјус, на крајот од едномесечниот карантин кој не донесе пад во бројките на заразени.
Карантинот требаше да заврши утре, но Ендрјус смета дека мораме да се даде уште време за вакцинација.
Новиот број на локални случаи во Викторија денеска се искачи на 120 за разлика од 76 претходниот ден.
Соседната австралиска држава Нов Јужен Велс, чиј главен град е Сиднеј, денеска го помести датумот за постигнување целосна вакцинација на 70% од луѓето постари од 16 години до крајот на октомври. Претходно беше планирано оваа цел да биде постигната до средината на овој месец.
Вкупно 1 116 нови случаи се регистрирани во Нов Јужен Велс, наспроти 1 164 претходниот ден.
Австралиската држава објави четири нови смртни случаи, со што вкупниот број на жртви се искачи на 100 во последниот бран на епидемијата.
Австралискиот премиер Скот Морисон денеска во парламентот рече дека Австралијците треба да бидат ослободени од карантин.
„Австралија може да живее со овој вирус“,
рече тој за Морисон.
Австралија се обидува да се справи со третиот бран на корона, кој изолира повеќе од половина од 25 -те милиони жители на земјата.
Во Сиднеј и Мелбурн, како и во главниот град Канбера, со недели е во сила строга наредба за граѓаните да останат дома.