Првичниот контакт со граѓаните на Авганистан ќе го има Црвениот крст, Министерството за внатрешни работи ќе ги спорведе сите безбедносни проверки, а Министерството за здравство ќе обезбеди ПЦР-тестови и можност за вакцина
Првата група на граѓани од Авганистан пристигна вечерва на скопскиот меѓународен аеродром. Како што претходно информираа од Владата, станува збор за група од 149 граѓани на Авганистан, вработени во меѓународната организација Отворено владино партнерство (Open Government Partnership – OGP) каде што Северна Македонија е официјално членка, како и вработени и соработници на „Транспаренси интернешнл“, Светски економски форум и други меѓународни организации.
„Станува збор за граѓани кои беа животно загрозени од талибанските структури и на кои им помагаме да си го спасат животот. Тоа се граѓани кои 20 години работеа за демократските институции, мисии и меѓународни организации во Авганистан“,
велат од Владата.
Како што беше претходно најавено, првичниот контакт со граѓаните на Авганистан ќе го има Црвениот крст, Министерството за внатрешни работи ќе ги спорведе сите безбедносни проверки, а Министерството за здравство ќе обезбеди ПЦР-тестови и можност за вакцина. Ќе бидат сместени во хотели и мотели, како што беше претходно најавено.