Ердоган денеска изјави дека Турција е подготвена да биде присутна како посредник во БиХ, доколку тоа го сакаат Бошњаците, Србите и Хрватите
По враќањето од посетите во Црна Гора и БиХ, на новинарско прашање каква улога ќе има Турција во БиХ, турскиот претседател Рџеп Таип Ердоган рече дека Турција ќе биде присутна доколку Бошњаците, Србите и Хрватите во БиХ се обединат и сметаат дека треба да ѝ дадат таква задача на Турција.
Како што јави Н1 БиХ, турскиот претседател истакна дека членовите на Претседателството на БиХ треба да одлучат за тоа.
„Јас веќе им реков. Ако донесете таква одлука, ние исто така ќе ги направиме нашите проценки. Донесете ја оваа одлука како тројка, не чекајќи инструкции од некаде“,
нагласи Ердоган.
Српскиот член на Претседателството на БиХ, Милорад Додик, за време на посетата на Ердоган рече дека ситуацијата во БиХ може да се реши со посредство на претседателите на Турција, Србија и Хрватска, Реџеп Таип Ердоган, Александар Вучиќ и Зоран Милановиќ, кои би можеле да придонесат за одржување на дијалогот.