Уште 23 лица од Македонија позитивни на ковид-19 се вратиле во Италија

Деновиве во областа Доломити се регистрирани 23 Македонци, 7 Косовци и 5 Албанци позитивни на коронавирусот

Здравствени власти од областа Доломити, која се наоѓа во северниот дел на Италија, известуваат дека во последниве денови е забележан пораст на случаи на ковид-19 кај лица што се враќаат од Балканот, а особено од Македонија, објави amicodelpopolo.it.

Деновиве во таа област се регистрирани 23 Македонци, 7 Косовци и 5 Албанци позитивни на коронавирусот.

Вчера, пак, во областа Тревизо кај 72 повратници од Македонија, по направените тестови, било утврдено дека се позитивни на ковид-19. Двајца од заболените се хоспитализирани на интензивна нега, и тоа 37-годишна жена и 48-годишен маж.

Здравствените власти од регионот велат дека голем дел од заразените се членови на семејства или познаници кои патувале со ист автобус или автомобил, без да користат соодветна заштита (маски и држење растојание)

Седумдесет и двајца нашинци го однеле вирусот во Италија, двајца се на интензивна нега

Здравствените власти потсетуваa дека за лицата што престојувале или транзитирале низ Македонија во претходните 14 дена, при влез во Италија, е предвиден бесплатен тест за ковид и петдневен карантин.

Деновиве, исто така, МВР често објавуваше во билтените дека лица заминуваат преку граница иако имаат решенија за изолација бидејќи се позитивни на коронавирусот. Беше најавувано дека ќе добијат соодветни пријави.