Авганистан на Параолимписките игри требаше да настапи со двајца спортисти, кои не можат да допатуваат во Токио, бидејќи новата талибанска власт ги укина сите комерцијални летови
Знамето на Авганистан ќе биде истакнато на свеченото отворање на Параолимписките игри во Токио, во знак на солидарност со спортистите од оваа земја, на кои им е оневозможен настап на манифестацијата во Јапонија.
Авганистан на Параолимписките игри требаше да настапи со двајца спортисти, кои не можат да допатуваат во Токио, бидејќи новата талибанска власт ги укина сите комерцијални летови.
„Одлучивме да го вклучиме авганистанското знаме на свеченото отворање во знак на солидарност, а го замоливме претставникот на Високиот комесар за бегалци на Обединетите нации да биде знаменосецот“,
изјави претседателот на Меѓународниот параолимписки комитет, Ендрју Парсонс.